సంక్రాంతి శుభాకాంక్షలు!

మిత్రులందరికీ మకర సంక్రాంతి శుభాకాంక్షలు. వేకువఝామునే లేచి చలిపులి నుంచి కాపాడుకోవడానికి భోగిమంటల ముందు కూర్చొంటూ, తెలుగింటి ఆడపడుచులు కళ్లాపి చల్లి వేసే రంగురంగుల ముగ్గులను చూసే అదృష్టం ఈ ఏటికి లేకున్నా, ఇలా ఈ జగద్వలయంలో అయినా ఆ ముగ్గుల అందాలను చూసే అవకాశానికి సంతసిస్తూ...శ్రీ వ్యయనామ సంవత్సరం, పుష్య బహుళపక్ష ఏకాదశి, జనవరి 14 ఆదివారం సాయంకాలం 5గం.52 ని.కు విశాఖా నక్షత్రం, మిథున లగ్నం, బవ కరణం, గండ యోగంలో సూర్యుడు మకరరాశిలో ప్రవేశించే ఈ శుభసందర్భంలో మీకంతా శుభాలే జరగాలని, ఈ విశ్వంలో నివసించే ప్రజలందరూ శాంతి,సౌభాగ్యాలతో విలసిల్లాలని కోరుకుంటూ...మీ 'చింతు'. (చిత్ర సౌజన్యం: క్రియేటివ్ కామన్స్, దీపక్)